Raktres BCD
Diskouezadegoù enlinenn
Diveradenn ar raktres
Ul lodenn vat eus an dikouezadegoù diwar sevenadur Breizh zo termenet en amzer ha berrbad. Un druez eo kement-mañ dre ma zo dioute frouezh ur preder aketus hag ur pourvez bras a zielloù bet dastumet a-ratozh evit o sevel.
Kinnig a ra Sevenadurioù Breizh sikour sevenourien an diskouezadegoù-se da sevel un diskouezadeg enlinenn evit mirout ur roud eus al labour bet sevenet hag evit ober e seurt ma talvezo d’an holl ha ma pado pell goude diwezh an diskouezadeg fetis.
Bet kaset da benn e 2015
A-benn miz kerzu 2015 e oa bet skignet div diskouezadeg enlinenn gant BCD / Sevenadurioù :
- Ar c’hontadennoù e Breizh (Maner Kernaod / CRBC),
- Ar glad sevenadurel dizanvezel e Breizh (BCD / Sevenadurioù).
Raktresoù 2016
Sevenet e vo ar raktresoù-mañ e 2016 :
- Kendalc’het e vo gant an diskouezadeg diwar kaieroù « Louis le Breton », ergerzhour war vourzh L’Astrolabe (1837-1840),
- Un diskouezadeg diwar al luc’hskeudennoù kentañ diwar-benn Breizh , etre 1850 ha 1860 (Mirdi Kemper),
- Ur raktres all n’end eo ket termenet resis evit c’hoazh.
Kevelourien
Mirdi Sant-Brieg, Maner Kernaod, Mirdi Kemper.
Darempredoù : Renerezh ar glad e Kuzul-rannvro Breizh, Mirdi Breizh, miz du 2013, Mirdi all e 2014 (Pont-Aven, Sant-Brieg, Maner Kernaod, Kompagnuniezh an Indez…).
