Kant bro, kant kliched<\/b><\/p>\n
Da ge\u00f1ver meur a raktres en deus bet tro Vincent Paulic da labourat gant kalzig a dud. Un deiz bennak e oa bet unan bennak o c\u2019houll ganta\u00f1 abalamour da betra ne laboure gwech ebet gant Bretonezed, en ur ziskouez dezha\u00f1, gant unan deus ar jestro\u00f9 soutil-se, e oa an dalc\u2019h gant liv o c\u2019hroc\u2019hen. Souezhet-bras e oa bet ar poltrejer, abalamour ma oa Nolwenn, ar plac\u2019h e oa o labourat ganti, a orin deus Sant-Brieg. Ma ne oa ket Bretonez, petra \u2019oa-hi neuze\u00a0? Ha petra eo beza\u00f1 breton, a-benn ar fin\u00a0? Difluket e oa enna\u00f1 so\u00f1j kenta\u00f1 ar raktres-ma\u00f1.<\/p>\n
Evit mont pelloc\u2019h ganti en deus bet goulennataet an holl hironed a oa tro-dro dezha\u00f1, evit go\u00fbt peseurt plas o doa, herveze, e kevredigezh Breizh, ha peseurt distok a oa etre pezh a so\u00f1jent-int deus o idantelezh ha sell ar re all.<\/p>\n
E miz Gouere 2013 e oa krog gant e labour. Ha da veaji\u00f1 e pemp departamant Breizh, ur fo\u00f1s gwenn, ur gambr poltriji hag ur sonenroller ganta\u00f1 e-barzh e sac\u2019h. Da heul ar c\u2019homzo\u00f9 bet dastumet ganta\u00f1 en deus bet savet ur poltred deus ul lodenn deus yaouankiz Breizh, ha roi\u00f1 a ra deomp da ranna\u00f1 e e\u00f1vorenno\u00f9 hag e so\u00f1jo\u00f9 war sevenadur Breizh ha sello\u00f9 an dud.<\/p>\n
Loreet eo bet a-unvouezh gant izili juri liseidi Ouest-France<\/i>, asambles gant ar festival Photoreporter, ar raktres nevezer ha hardizh-se war yaouankizo\u00f9 hag idantelezh Breizh.<\/p>\n
Diframma\u00f1 ar c\u2019hlichedo\u00f9 a-rumm-da-rumm<\/b><\/p>\n
Hirie e klask Vincent Paulic diskouez e labour e lec\u2019hio\u00f9 nevez, evit ma komzfe an dud deus idantelezh Breizh, diouzh un tu, met deus ar c\u2019henstaga\u00f1 ha deus sell ar re all ivez.<\/p>\n
War ar memes tro e talc\u2019h ar poltrejer gant e enklasko\u00f9, ha n\u2019eo ket gant ar re yaouank nemetken. Faota\u00f1 a ra dezha\u00f1 dastum testenio\u00f9 tud ar rummado\u00f9 all ivez, evit klask kompren pezh en deus che\u00f1chet en hanter-kant vloavezh tremenet pe pezh n\u2019en deus ket che\u00f1chet.<\/p>\n
Sachet e vez an evezh da vat gant elevez ar poltrejer a zeu da lakaat stlabez er skeudenno\u00f9 zo en hon fenno\u00f9, hep go\u00fbt deomp, war ar Vretonezed hag ar Vretoned a-hirie.<\/p>\n
Evit gwelet skeudenno\u00f9 deus ar raktres-se, emgav war lec\u2019hienn Vincent Paulic, http:\/\/vincentpaulic.fr.<\/p>\n
Biziti\u00f1 an diskouezadeg a c\u2019hallit ober ivez, e ti-k\u00ear Porzhig (Aodo\u00f9-an-Arvor) betek ar 15 a viz Meurzh 2014.<\/p>\n","protected":false},"excerpt":{"rendered":"
Kinnig a ra Vincent Paulic deomp ur sell all war idantelezh Breizh, dre santimanto\u00f9 ar re e ra-e\u00f1 an Afrikarmorikaned dioute. Afrikan eo unan deus o zud, ha ne vez gwelet enne, alies-mat, gant an dud tro-dro dezhe, nemet o zu afrikan, kentoc\u2019h evit o idantelezh a Vreizhiz, ha pa vefent ganet er vro, desket […]<\/p>\n","protected":false},"author":1,"featured_media":903,"comment_status":"closed","ping_status":"open","sticky":false,"template":"","format":"standard","meta":{"_acf_changed":false,"inline_featured_image":false,"footnotes":""},"categories":[235],"tags":[],"class_list":["post-3062","post","type-post","status-publish","format-standard","has-post-thumbnail","hentry","category-liesseurted-sevenadurel"],"acf":[],"yoast_head":"\n