Den un bon bout de la Bertègn, le pomier, la q'ét le tout arbr frutier etant q'il ét bel a qhultiver e q'i se haite ben den la terre de Bertègn e sour un temp amarinë. Les terres orinées du "grou" ou du "péré", ét a dire de la roche de grain (le grou, aotrement nomé le péré) a se degramatizer, amenent des pomes de permiere o bel e ben de sucr. Les terroueres ou les piots, d'aoqhuns taent demandës, come li des Vaos de Rance parème qe les pomes taent envayées o des charrieres diq'a den le Tregor ou ben a Jerzë. A Pempoull, parème, n-i a la "banche és pomes".
Diq'en 1960, les pomes la taet la merchanderie agricole la pus havante. Les vendr, la taet pour payer la Saint-Michè, les impôz e, les bones anées, pouair lever eune bâtissure ou ben core ajeter des afutiaos. Den le payiz de Lambale, o les pomes nen pouaet ajeter les permiérs tractouérs. La valantou d'eune terre, d'eune ferme, o taet prizée su comben qe n-i avaet de pomiérs, su coment q'i taent haots e coment q'i taent vioches. I taent aloure pllantës den tous les cllôz qhultivës, permier en Haote-Bertègn e den le bâs de la Bâsse-Bertègn. Su les codaqes aeriens de 1950-1952, tous les petits pouints den les cllôz, la taet des pomiérs, eune vrae forét. La taet, o les haes, yun des principaos du payizaije.
L'agriqhultou taet en souin de ses arbrs. Durant les cherruaijes de la Toussaint, cant q'o s'aperchaet du pomier, la cherrue taet coûchée su le côtë q'o haicheraet pouint les raïes. Serrer les pomes, les vendr, la pilerie pilerie, la plantation du pommier, son title="la q'ét mucer un morcè de branche, le grefon, de l'orine du pomier q'en vieut mettr a peupeler, sti-la s'ahuche "l'ente". Faot s'avizer qe tous les pomiérs-la sont des mâtinës. Si q'en afi des poupins de Golden, i n'en poûssera des pomiérs de toutes les orines meins pouint de Goldens." placemet="left"enter/tooltip], pllanter les pomiérs, les enter, tout le cai-la taet l'anme de la vie des campaignes. La taet le lundi de Pâqe qe taent entës les pomiérs. Pourqhi don ? Faot-ti vaer ilë eune meniere de renouviao ?
Les orines
Depés 30 anées de temp, la consorterie des Mordus de la Pomme parconte les orines de pomes den le haot-soulaire de la Bertègn. Den un coupl de qemunes, yelle de Plleudiyin (22) e yelle d'Acignë, a haot de Rene, la consorterie terouit, a châqe fai, pus de 50 orines de pomes qe 6 de yelles taent ren qe den la qemune-la. Des pomiérs, i n-n a de toutes les menieres en Bertègn e la consorterie-la sonje q'i n-n araet pus de 3000 den toute la censile armoriqhaine.
Q'i n-n a hardi de méme, la q'empôzaet qe n-i araet zû des anées sans pomes de cai q'araet minz les payizans den la mizere rouje. Toutes les orines-la, la garantissaet des ravirées du temp e qe le ma ou les bétes araent të deden. E, de méme, i taent pus atrérées a toutes les calitës de terre qe n-i avaet e és bezains des payizans. A-don, ét métier qe n-i araet des orines qe lous murézons seraent yeune aprés l'aotr e qe d'aotrs araent lous chè bien dusse pour pouair les vendr és charrieres surtout és « Charrieres». Les pomes, d'aoqhunes sont gardées pour la « bouillotte », le « pomë » la "bouillotte", le pomë ou ben core pour qe le métr nen feraet son citr. Les pomes les pus pezantes, ben sucrées, sont bones pour les marchandous, tant qe les pomes pecrs sont envayées o le train diq'en Alemagne. Qheuqes orines come les Pommes de Roux (Pomes de Roux) e les Souris Cuites (Souris Qhetes) servent pour du cai ben perciz : i sont rolées den le four a pain aprés la qherie (dede la son nom de "pomes a la rolée"). Etant q'i ne petaent pouint a qhere, la ne bernouzaet pouint la pllace du four. Les ebluçons nen pernaent d'o yeûs den lous pochette pour le më-matinon.
Châqe terrouere, châqe qemune e, n-i a des fais, châqe payizan avaet son pomaije pomaije a li, q'i taet toutes les orines de pomes q'i qhultivaent. Cant qe le payizan delojaet pour se marier parème, le meillou de son pomaije alaet d'o li. La taet eune merche de filomie, parai come les "couéfes".
Les orines-la s'orinent d'assayaijes fèts par les payizans petit a la fai su le long du temp a sour fin qe n-i araet zû des pomes pour tous les bezains. I sont orinées d’un Semerie a l'arive d'eune semerie a l'arive : l’inventou la " Justine du marais de Dol" (Justine du marae de Dou) s'orine parème d'un pomier qi poûssaet den le courti d'eune vaille couéfe de Rôz, en Ile-e-Vilaine. Yelle qi s'ahuche "Château" (Châtè), la taet un pomier qi pichonaet su le buteron castra du châtè de Couéqhin en Saint-Telin (Côtes d'Ahaot). Toutes les orines-la sont du patrimouene de la Bertègn. Les noms sont, qheuqes fais, li a l'inventou, "Justine" parème, ou ben li du leû d'orine "Château". Les payizans n-n ont de l'injin ! Selon son aparessance, ole ara nom "Toupie", "Nez de chien"... ou ben si qe la piao ét guervellouze ou ben pouint, la sera "cuir d'âne" ou ben si q'ole a eune anè liejeu entour du zieu, la sera "Qhu nair". Les pomiérs qi sont manierement tout dret s'ahuchent "Monte en l'air", "Monte le mont" e méme a Rimou en Ile-e-Vilaine, "Monte aux Cieux". D'aoqhunes orines ont des noms ma a ecri : la "Tocfish" o les siens des qemunes de Saint-Pierre e de Plleudiyin la q'ét eune pome come un chupiron qe sa piao ét jaone e rélée de rouje. Pourqhi le mot angllaez-la ? Oa, aléz don vaer....
