Digoret eo bet “La Mézon du Cârouj” ez ofisiel d’ar gwener 22 a viz mae tremenet e Mousterfil. Bet oc’h bet d’ober un dro du-mañ Mikaël ?

Dilennidi, tud a youl-vat hag ur bern mignoned deus ar gevredigezh « La Jaupitre » a oa e Mousterfil d’an 22 aviz maeevit lid digeriñ “La Mézon du Cârouj”.

La jaupitre a zo ur gevredigezh gouestlet da sportoù ha c’hoarioù hengounel Breizh. Hi en deus labouret war ar raktres hir-mañ rak abaoe 10 vloaz e oant o labourat wanañ !

Un ti hepken ?

Ket ! Kinniget e vez al lec’h evel ur park dudi gouestlet d’ar sportoù ha d’ar c’hoarioù hengounel evit ar re vihan hag ar re vras. War-dro un hektar (9000 m²) a zo kinniget evit c’hoari. Bez zo ur savadur anvet « Maison du Carouj » lec’h ma vez kinniget c’hoarioù tavarn da skouer hag ur park bras lec’h m’aint o staliañ “gwenodenn meizadur ar c’hoarioù”. Ouzhpenn 60 c’hoari dasparzhet en 21 stal a vo kavet benn ar fin, gant a-bep seurt doareoù. Bez e vo meur a c’hoarioù kilhoù, paledoù, bouloù evel just ha c’hoarioù nerzh evel ar bannañ voutellenn blouz !

Digoret eo d’an holl adalek 6 bloazh ha soñjet eo bet evit degemerout an dud e kadorioù ruilh. Ur rann pedagogel a zo ivez rak displeget e vez ar c’hoarioù d’an dud.

Petra dalvez Carouj ?

Talvezout a ra kroazh-hent e gallo. Ben ar fin komprenet vez eo kroaz-hent ar c’hoarioù hag ul lec’h evit lakaat an dud d’en em gejañ tro-dro da-se.

[bloc-noir]

Titouroù pleustrek

Digoret eo an ti a-hed ar bloazh d’ar mec’her, ar sadorn hag ar sure us 1 eur betek 6 eur noz hag an holl devezhioù estreget al lun e-pad ar vakañsoù eus 10 eur betek 7 eur noz. 7 € eo evit mont e-barzh a-us da 18 vloazh ha 4 € evit ar re yaouankoc’h. Kinniget e vez ur priz evit ar familhoù (4) da 18 €. Tu zo deoc’h adkavout tout an titouroù-se war ho lec’hienn internet www.carouj.bzh.

[/bloc-noir]

Dalc’het e vo Emvod-Meur BCD/Sevenadurioù Breizh d’ar sadorn 6 a viz Even 2015 adalek 9e30 er Vauban (17 bali Georges Clémenceau) e Brest.

Studiet e vo danevell obererezh ar gevredigezh evit ar bloazh 2014 ha kinniget e vo ar raktresoù a vo kaset e 2015.

Ur pred a zo kinniget adalek 1 eur, dav eo mirout en a-raok (priz : 15 €).

Digoret eo an emvod-meur mañ d’an holl, evit en em enskrivañ pellkargit ar folenn amañ ha kasit deomp a-raok ar 25 a viz mae 2015 e Bretagne Culture Diversité, 3  bali Cosmao Dumanoir, 56100 LORIENT.

Evit kaout muioc’h a titouroù : contact@bcdiv.org pe 02 97 35 48 77.

[bloc-gris]

N’oc’h ket ezel c’haozh ? Evit emezelañ -> dre amañ

[/bloc-gris]

Dizoloit kliched nevez web rummad “Klichedoù Breizh” !

Grit anaoudegezh gant ar festoù-noz en diskouezadeg-se, staliet e Maison de la Bretagne (ti Breizh) e Pariz hag e Kuzul rannvro Breizh war ar memes tro.

Hep ar festoù-noz, Breizh ebet ! Ul lodenn bennañ deus idantelezh ar vro zo e-kreiz an diskouezadeg-se, an hini gentañ diwar deir, a zeu da heul ma vefe bet lakaet ar festoù-noz war renabl UNESCO Glad sevenadurel dizanvez an dudelezh. Etre penn-kentañ festoù-noz gwechall enebet ouzh ar balioù bet aozet er bloavezhioù 1950, hag ar festoù-noz o virvidikaat er bloavezhioù 1970, gwelit pegen cheñch-dicheñch eo o doareoù. Gant Kuzul rannvro Breizh, asambles gant Dastum ha Bretagne Culture Diversité/Sevenadurioù, eo aozet an diskouezadeg, bet leurennet gant Simon Poligné.

Pleustrek :

– Deus ar 17 a viz C’hwevrer d’an 12 a viz Gwengolo 2014 e ti-pennañ Kuzul Rannvro Breizh, 283, bali ar Jeneral Patton, Roazhon, deus al Lun d’ar Gwener, etre 8 eur beure ha 7 eur noz. Digoust.

– Deus an 10 a viz C’hwevrer d’ar 26 a viz Gwengolo 2014 e Maison de la Bretagne (ti Breizh), 8, ru an Arrivée, 75015 Pariz, deus al Lun d’ar Gwener, etre 9 eur 30 beure ha 6 eur noz. Digoust, nemet m’eo bet feurmet ar sal (titouroù : 01 53 63 11 50).

Aozet eo bet gant BCD Sevenadurioù, gant skoazell  skipailh enklaskoù Ermine (CRBC-Roazhon 2), ur c’hendiviz etrevroadel diwar-benn «  Minorelezhioù ha bedeladur  » d’an 23 ha d’ar 24 a viz Here 2014 e Roazhon. Kudennoù an identelezhioù dibar en ur bed troet war-zu ar bedeladur, setu kalon an divizoù zo bet dalc’het.

«  Gwelet a reer an eskemmoù etrevroadel o vont war-raok asambles gant unvanadur an emzalc’hioù sevenadurel, ha dedennus eo menegiñ e ya war-gresk startijenn ar minorelezhioù di-stad», eme Ronan Ar C’hoadig;prezidant BCD/Sevenadurioù. Tro ‘n eus roet ar c’hendiviz-mañ da reiñ da berzhidi deuet eus Yakoutia, Katalonia, Kebek pe bro-Skos da eskemm diwar-benn stad an traoù en o bro, ha da verzout e kaver «an hevelep kudennoù yezh, an hevelep bec’h taolet warno, an hevelep diouer a anaoudegezh a zegas respontoù pe diskoulmoù disheñvel e pep bro. Penaos e c’heller falvezout bout Breizhad, Yakout pe Katalan e-skoaz ur vroad brasoc’h ha  mestr warnoc’h» aze e oa ar goulenn e kalon ar 24 a viz Here.

Kouviadez a-enor evit ar c’hendiviz kentañ, Yakoutia a oa e kalon nozvezh an 23 a viz Here e sal an Tambour, lec’h ma oa aozet un abadenn sinema heuliet gant un diviz kaset en-dro gant Emilie Maj, etnologourez arbennigourez bro-Yakoutia, hag ur sonadeg da heul, sonioù yakoutek. An arzourien pedet o oa goulennet digant an arvesterien kemer perzh er c’han hag en dañs. Un eil nozvezh a zo bet kaset en-dro e-kerzh Gouel an Dolgenn Aour e Redon d’ar Sadorn 25 a viz Here.

Bodet e vo an holl pennadoù-kaoz, hag embannet e 2015.

Emgav zo roet deoc’h a-benn 4 bloaz evit an eil kendiviz.

[bloc-gris]

Un nebeut videoioù deus ar c’hendiviz :

Lid bennozh Yakout ar c’hendiviz “Minorelezhioù ha bedeladur” d’ar gwener 24 a viz Here 2014 :

Rite de bénédiction du colloque “Minorités et mondialisation” le vendredi 24 octobre 2014 from BCD Sevenadurioù on Vimeo.

Prezegenn digeriñ ar c’hendiviz gant Jean-Michel Le Boulanger :

Un tamm deus kan a vro Yakoutia gant ar ganerez Saina o c’hoari gant ar publik :

Extrait de chant Yakoute par la chanteuse Saina avec la participation du public from BCD Sevenadurioù on Vimeo.

Dañs hengounel a vro Yakoutia en Tambour :

Danse traditionnelle Yakoute au Tambour from BCD Sevenadurioù on Vimeo.

Prezegenn klozañ :

[/bloc-gris]

Ur sport emgann eo ar gouren. Krog e oa bet gantañ e Breizh er IVre-Vvet kantved, pa oa deut ar Vritoned d’en em staliañ ‘barzh ar vro. Da zigentañ e oa ur c’hoari evit an noblañsoù. Tamm-ha-tamm e oa deut da vezañ sport ar bobl a veve war ar maezioù…

Peseurt liamm zo etre un toull korriganed, ul lec’h bodañ drouized hag ul lec’h sakr e-lec’h ma veze douaret korfoù an dud varv ? Ma, peurvuiañ e vez soñjet e kaver dalc’hmat un daolvaen bennak el lec’hioù-se. Gwir pe gaou ?

Digoust eo hentoù-tizh Breizh a-drugarez d’an Dukez Anna : marc’hataet he dije ar privilaj-mañ pa oa bet euredet gant roue Bro-C’hall. Gwir pe gaou ?